الأربعاء، يونيو 04، 2014

بالفيديو.. «المخترع الصغير» يكشف طرق مراقبة «فيس بوك» وكيفية التصدي لها


قام عبد الله عاصم المعروف إعلاميَا بالمخترع الصغير، بتقديم نصائح للتصدي لمراقبة مواقع التواصل الاجتماعي، من قبل وزارة الداخلية
وقال «عاصم»: «في كلام كتير ان الحكومة المصرية بتراقب الحسابات ياتري الكلام دة صح أو هما يقدروا يعملوا كدة فعلاً؟، الكلام دة مش جديد»
وأضاف عبر صفحته على موقع التواصل الاجتماعي «فيس بوك»: «نسأل سؤال مهم الحكومة بتراقب الناس إزاي؟.. أي شخصية بتأثر على الرأي العام وليها آلاف المتابعين أكيد الحكومة بتتابع كل كلمة بتقولها وده لا يخضع تحت مسمى التجسس دي متابعة زي أي متابع ولما الشخصية العامة دي تكتب كلام معارض للنظام ساعتها توجهله مسألة قانونية»

وتابع: «فى خاصية جديدة اتفعلت فى الفترة اللى فاتت على فيسبوك وتويتر بتخليك تحمل الارشيف بتاعك من عليهم الارشيف ده بيكون متضمن ملفك الكامل على المواقف البوست والرسايل والصور الخ ..»، ولو معندكش فكرة عن الموضوع ممكن تدخل على«Settings - > General -> Download a copy of your Facebook data.».

في السياق ذاته؛ أكد «عاصم» أن قانون CISPA يجبر الشركات على تسليم معلومات المستخدمين للحكومات بمعني أن الحكومة تقدم طلبا لإدارة الموقع بتسليم بيانات الشخص، ثم تقوم بتسليم الحكومة الأرشيف الخاص بالشخص وهذه الخطوات تستغرق الكثير من الوقت «مش في لحظتها»

وأضاف: «يعنى الحكومة ملهاش اى صلاحيات تراقب انت بتكتب ايه دلوقت او تعرف انت بتكلم مين او بتعمل ايه ! هما بياخدو الارشيف بتاعك ويقعدوا يدوروا فيه وطبعا ادارة الموقع مش فاضية تبعت الارشيف بتاع الشخص كل شوية يعنى مرة بالكتير».

ولمنع مراقبة حسابك على مواقع التواصل اقترح المخترع الصغير هذه الخطوات:



1- قائمة الأصدقاء عندك تكون من المعارف الشخصية اللي قابلتها بنفسك


2- حضرتك ما تفتحتش المتابعين أو الفولورز وتخلى البوست للأصدقاء فقط


3- ماتتكلمش عن كل حاجة بتحصل في اليوم بتاعك


4- ماتطلعش أي بيانات شخصية عنك في الرسايل أو في البوست


ليست هناك تعليقات:

إرسال تعليق