ذهب الشيخ خالد عبد الله الى ميدان التحرير لمؤازرة الشيخ حازم صلاح أبو اسماعيل وللمشاركه فى المليونية التى دعى لها انصار ابو اسماعيل يوم الجمعه.
خالد عبد الله الشهير بــ " يا واد يا مؤمن" نزل الى الميدان الذى كان يدعى دوما انه يوقف عجلة الانتاج فى مصر وانه لم يعد مكانا للشرفاء تنازل عن كل كلامه ونزل فور ان تعلق الأمر بالشيخ السلفى ابو اسماعيل .
وانتشرت على مواقع التواصل الاجتماعى سلسلة طويلة من الانتقادات والنكات اللاذعه لخالد عبد الله كان اشهرها ما يلى :
- خالد عبد الله "ياواد يامؤمن" يصل التحرير لمؤازرة ابو اسماعيل ...
طيب عايزين حد ينزل يسحله ويضربه ويعريه ويقوله ايه اللى نزلك وسط الرجاله وكمان لابس عبايه بكباسين .
- ألله هو مش كان بيتريق على أبو أسماعيل لما كان بينزل الميدان .
هو أنتوا أيه ما بتتكسفوش ولا بتحسوش خالص ؟
- مينزلش لقتل اخوانة وينزل عشان ابو اسماعيل قرطسهم
- هو إيه اللي لبسوا جلبيه بـزراير ؟
- ناقص يلبس قناع بانديتا .. حقيقي التحرير اتنجس بأمثالك
- وأهم حاجه هو لابس كويس داخليا :
- وكمان لابس عباية دى وقعتك بمبى
- هو نزول واحد زى دا اكبر دليل على ان ابو اسماعيل كداب
- ده بقي لوحد كفيل بتشويه سمعة ابو اسماعيل اكتر من حمله للجنسيه اليهوديه كمان
- أخير عرف ان ميدان التحرير هو ملتقا الرجال الاشراف الاحرار وعظيما يامصر يابلد الرجال ياولد ياحر او عاوز تكون بس متأخر قوي سلاماتي وتحياتي للاشرفاء والأحرار وليسقط المنافقون عظيما يامصر
- ايه يا عم خاااااالد عجلة الإنتاج دلوقتي مش هتقف
- أنا من مؤيدي الشيخ حازم ولكن ارفض وقوف هذا المنافق "خالد عبدالله" بيننا
- خالد عبد الله ايه اللى وداه هناك دا عاوز يخرب البلد عاوز يوقف العجله اه يا واد يا مؤمن اوع تتعره
ليست هناك تعليقات:
إرسال تعليق